ఎడతెరిపి లేకుండా కురుస్తున్న వర్షాల నుండి జిల్లా ప్రజల అప్రమత్తంగా ఉండాలి. జిల్లా ఎస్పీ శ్రీ ఎన్ వెంకటేశ్వర్లు
Abhi9 News - తెలంగాణ / నారాయణపేట : *ఎడతెరిపి లేకుండా కురుస్తున్న వర్షాల నుండి జిల్లా ప్రజల అప్రమత్తంగా ఉండాలి. జిల్లా ఎస్పీ శ్రీ ఎన్ వెంకటేశ్వర్లు* గత మూడు నాలుగు రోజుల నుండి ఎడతెరిపి లేకుండా కురుస్తున్న వర్షాల నుండి జిల్లా ప్రజలు జాగ్రత్తగా ఉండాలని ఉండాలని ఎస్పీ శ్రీ ఎన్ వెంకటేశ్వర్లు ఒక ప్రకటనలో తెలిపారు. ప్రస్తుతం భారీ వర్షాలు కురుస్తున్న నేపథ్యంలో జిల్లా పోలీసు అధికారులు అప్రమత్తంగా ఉండాలని మరియు మండల పరిధిలోని ప్రజలకు స్థానికంగా అందుబాటులో ఉంటు సేవలు అందించాలని ఆదేశాలు ఇవ్వడం జరిగింది. జిల్లా పరిధిలోని అన్ని గ్రామాల ప్రజలు అప్రమత్తంగా ఉండాలన్నారు. కూలీ పోయే ప్రమాదంలో ఉన్న ఇండ్లలో నివసించే ప్రజలు సురక్షిత నివాసాలకు తరలివెళ్లాలని అన్నారు. అదేవిధంగా లోతట్టు ప్రాంతాలలో ఉండే ఇండ్లలోకి వర్షపునీరు చేరకుండా జాగ్రత్త చర్యలు తీసుకోవాలన్నారు. దీంతో పాటు గ్రామ సమీపంలోని చెరువులు, వాగుల వద్ద వెళ్లరాదని, కృష్ణానది పరివాహ గ్రామ ప్రజలు, పిల్లలు, యువకులు నది దగ్గరకు సెల్ఫీలు తీయడానికి ఈతలు కొట్టడానికి వెళ్లకుండా తల్లిదండ్రులు దృష్టి సారించాలన్నారు. ముఖ్యంగా విద్యుత్ స్థంబాల వద్దకు, ఇంట్లో ఎలక్ట్రిక్ వస్తువుల నుంచి విద్యుత్ ప్రమాదాలు జరగకుండా చూడాలన్నారు. వ్యవసాయ పొలాలకు వెళ్లే రైతులు ట్రాన్స్ ఫార్మర్లతో, కరెంటు మోటార్లతో జాగ్రత్త వహించాలని తెలిపారు. అదే విదముగా భారీ వర్షం కారణంగా చాలా రోడ్లు దెబ్బతిన్నాయి, కాబట్టి అత్యవసరమైతే తప్ప ఇళ్లల్లో నుండి బయటికి వెళ్లాలని దయచేసి రోడ్లను గమనించి మీ వాహనాలను సురక్షితంగా నడపండి మరియు సురక్షితంగా మీ గమ్యాన్ని చేరుకోండి అని రోడ్డు ప్రమాదాలను నివారించండి అని ఎస్పీ గారు తెలిపారు. ప్రజలు అత్యవసర సమయంలో నారాయణపేట పోలీస్ కంట్రోల్ రూమ్ నెంబర్. 8712670399 లేదా డయల్ 100 నెంబర్ కి కాల్ చేసి పోలీసులకు సమాచారం ఇవ్వాలని ఎస్పీ తెలిపారు.
Admin
Abhi9 News
మరిన్ని వార్తలు
Developed By :
