పోలీసులకు షాక్ ఇచ్చిన ఖైదీ.. ఆగి ఉన్న జీప్ నుంచి జంప్..
ఓ ఖైదీ పోలీసులకు ఊహించని షాక్ ఇచ్చాడు. పోలీస్ జీప్ నుంచి ఎంతో చాకచక్యంగా తప్పించుకున్నాడు. పోలీసులకు దొరకకుండా పారిపోయాడు. ప్రస్తుతం ఈ సంఘటనకు సంబంధిం
Abhi9 News - క్రైమ్ వార్తలు / : పోలీస్ జీప్ నుంచి ఖైదీలు తప్పించుకునే సీన్స్ చాలా సినిమాల్లో చూసే ఉంటారు. నిజ జీవితంలో ఇలాంటి సంఘటనలు అత్యంత అరుదుగా జరుగుతూ ఉంటాయి. తాజాగా, ఓ ఖైదీ పోలీసులకు ఊహించని షాక్ ఇచ్చాడు. పోలీస్ జీప్ నుంచి ఎంతో చాకచక్యంగా తప్పించుకున్నాడు. పోలీసులకు దొరకకుండా పారిపోయాడు. ఈ సంఘటన మధ్యప్రదేశ్లో చోటుచేసుకుంది. ఇందుకు సంబంధించి పూర్తి వివరాల్లోకి వెళితే.. హోషంగాబాద్కు చెందిన ఓ యువకుడ్ని పోలీసులు అరెస్ట్ చేశారు. జీప్లో అతడ్ని ఓ చోటు నుంచి మరో చోటుకు తీసుకుని వెళుతూ ఉన్నారు. కారు హోషంగాబాద్ అవుట్ స్కట్స్లో రోడ్డు పక్క ఆగింది. పోలీసులు బయట నిలబడి మాట్లాడుకుంటూ ఉన్నారు. ఇదే అదునుగా భావించిన ఆ యువకుడు ఠక్కున జీప్ డోరు తెరిచి అక్కడినుంచి పరుగులు పెట్టాడు. ఇది గమనించిన పోలీసులు అతడ్ని వెంబడించారు. అతడు జెట్ స్పీడుతో అక్కడినుంచి పరుగులు పెట్టసాగాడు. యువకుడిని పట్టుకోవటం పోలీసుల వల్ల కాలేదు. ఓ పోలీస్ రోడ్డు పక్క కిందపడిపోయాడు. మిగిలిన పోలీసులు అతడ్ని వెంబడించారు. ఎంత ప్రయత్నించినా అతడ్ని పట్టుకోవటం వారి వల్ల కాలేదు. యువకుడు వారికి దొరకకుండా తప్పించుకున్నాడు. ప్రస్తుతం ఈ సంఘటనకు సంబంధించిన వీడియో ఒకటి సోషల్ మీడియాలో వైరల్గా మారాయి. యువకుడు పోలీసుల నుంచి తప్పించుకున్న దృశ్యాలు ఆ వీడియోలో ఉన్నాయి. ఇక, వైరల్గా మారిన వీడియోపై స్పందిస్తున్న నెటిజన్లు.. ‘పోలీసులు ఎంత ఫిట్గా ఉన్నారో ఈ వీడియో చూస్తే అర్థం అవుతుంది. ఓ పోలీస్ రోడ్డు పక్క బొక్కబోర్లా పడిపోయాడు. అందరూ కలిసినా అతడ్ని పట్టుకోలేకపోయారు’..‘మరీ అంత ఈజీగా అతడు ఎలా తప్పించుకున్నాడు. పోలీసులు అతడి దరిదాపుల్లోకి కూడా వెళ్లలేకపోయారు’..‘నిజంగా ఆ యువకుడు ప్లాస్ మ్యాన్ తమ్ముడిలా ఉన్నాడు. అందుకే అంత ఈజీగా పోలీసుల నుంచి తప్పించుకున్నాడు’ అంటూ కామెంట్లు చేస్తున్నారు.
Admin
Abhi9 News
మరిన్ని వార్తలు
Developed By :
